အောက်ဖော်ပြပါ စည်းကမ်းသတ်မှတ်ချက်များသည် https://jlpt-maja.org.mm တွင်တည်ရှိသော MAJA ၏အင်တာနက်ဝက်ဘ်ဆိုက်အသုံးပြုခြင်းအတွက် ဖြစ်ပါသည်။ ဤဝက်ဘ်ဆိုက်ကို ဝင်ရောက်ခြင်းဖြင့် သင်သည် အောက်ပါစည်းကမ်းသတ်မှတ်ချက်များကို လက်ခံရပါမည်။ သေချာစွာ ဖတ်ရှုပါ။ အောက်ဖော်ပြပါရည်ညွှန်းချက်များသည် စည်းမျဉ်းစည်းကမ်းများ (Terms and Conditions)၊ ကိုယ်ရေးကိုယ်တာထုတ်ပြန်ချက် (Privacy Statement)၊ ငြင်းဆိုမှုသတိပေးချက် (Disclaimer Notice) နှင့် သဘောတူညီချက်များအားလုံးနှင့် သက်ဆိုင်သည်။ "သင်" နှင့် "သင်၏" သည် ဤဝက်ဘ်ဆိုက်သို့ဝင်ရောက်ပြီး အသင်း၏စည်းကမ်းသတ်မှတ်ချက်များနှင့်ကိုက်ညီသူ သင့်အား ရည်ညွှန်းပါသည်။ "အသင်း"၊ "ကျွန်ုပ်တို့ကိုယ်တိုင်" နှင့် "ကျွန်ုပ်တို့" သည် ကျွန်ုပ်တို့၏အသင်းအား ရည်ညွှန်းပါသည်။

၁။ စုဆောင်းရရှိသည့် သတင်းအချက်အလက် နယ်ပယ်၊ အသုံးပြုမှုနှင့် ပံ့ပိုးမှု

လျှောက်ထားသူ၏အမည်၊ စာမေးပွဲအဆင့်၊ ကျား/မ၊ မွေးသက္ကရာဇ်၊ လိပ်စာ၊ ဖုန်းနံပါတ်၊ အီးမေးလ်လိပ်စာ အစရှိသည့် ကိုယ်ရေးကိုယ်တာအချက်အလက်များကို ကျွန်ုပ်တို့ တောင်းဆိုမည် ဖြစ်ပါသည်။ စုဆောင်းရရှိသည့် အချက်အလက်များကို စာမေးပွဲအတွက် Test Voucher ထုတ်ပေးရန်နှင့် လျှောက်ထားသူများကို ပြန်လည်ဆက်သွယ်ရန် အသုံးပြုပါမည်။ ထို့အပြင် အထက်ဖော်ပြပါရည်ရွယ်ချက်များ အောင်မြင်စေရန်အတွက် ဤစာမေးပွဲ၏ ပူးတွဲပံ့ပိုးကူညီသူ ဂျပန်ဖောင်ဒေးရှင်း (The Japan Foundation) နှင့် သင်၏အချက်အလက်များကို မျှဝေပါမည်။ ကျွန်ုပ်တို့သည် အထက်ဖော်ပြပါအချက်များမှလွဲ၍ အခြားရည်ရွယ်ချက်များအတွက် စုဆောင်း ရရှိသည့် အချက်အလက်များကို အသုံးပြုမည်မဟုတ်ပါ။ သို့မဟုတ် အောက်ပါကိစ္စရပ် သုံးခုမှလွဲ၍ အခြားသူများထံသို့ ထိုအချက်အလက်များကို ပေးဆောင်မည်မဟုတ်ပါ။

• ထိုသို့သောအချက်အလက်များကိုပေးဆောင်ရန် တရားဝင်တာဝန်ရှိလျှင်

• အချက်အလက်ပိုင်ရှင်၏ သဘောတူခွင့်ပြုချက်ရရှိသောအခါ

• အချက်အလက်လုပ်ဆောင်ခြင်းဝန်ဆောင်မှုများပေးဆောင်ရန်အတွက် MAJA နှင့် စာချုပ်ချုပ်ဆို ထားသော ပြင်ပဝန်ဆောင်မှုပေးသူထံပေးရန် လိုအပ်သည့်အခါ။ ထိုသို့သောအခြေအနေမျိုးတွင် လုပ်ငန်းဆောင်ရွက်ရန်အတွက် လိုအပ်သည့်အတိုင်းအတာအထိသာ အချက်အလက်များကို ထုတ်ဖော်မည်ဖြစ်ပါသည်။

၂။ ငွေပေးချေမှု

သင်၏လျှောက်လွှာအတွက် ငွေပေးချေလိုပါက သင်၏အမည်၊ ဖုန်းနံပါတ်နှင့် ငွေပေးချေမှုလိပ်စာ အပါအဝင် သင်၏ငွေပေးချေမှုနှင့် သက်ဆိုင်သည့်အချက်အလက်အချို့ကို ပေးဆောင်ရန် တောင်းဆိုနိုင်ပါသည်။

၃။ ရှင်းလင်းချက်

အသုံးပြုသူမှ ထည့်သွင်းထားသော အချက်အလက် မှားယွင်းပါက အသင်းမှ တာဝန်ယူမည်မဟုတ်ကြောင်း ကျေးဇူးပြု၍ သတိပြုပါ။ ထို့အပြင် ဟက်ကာကဲ့သို့ မသင့်တော်သည့်ပြုမူမှုပြုလုပ်သူ အသုံးပြုသူကြောင့် ဖြစ်ပေါ်လာသည့် မည်သည့်ပျက်စီးဆုံးရှုံးမှုအတွက်ကိုမျှ အသင်းမှတာဝန်ယူမည်မဟုတ်ကြောင်းကို ကျေးဇူးပြု၍ သတိပြုပါ။

Test လမ်းညွှန်ကို ဒေါင်းလုဒ်လုပ်ပြီး ဖတ်ပြီးပါပြီ၊ အပြည့်အဝ နားလည်ပါတယ်။

Registration ပြုလုပ်ရန် အောက်ပါစည်းကမ်းချက်များကိုသတိပြုပါ။

ယခု Registration သည် Application အဆင့်တွင် ပြန်လည်အသုံးပြုနိုင်မည် ဖြစ်သောကြောင့် မှန်ကန်စွာ ဖြည့်သွင်းပေးရန်လိုအပ်ပါသည်။

Registration အချက်အလက်ဖြည့်သွင်းရာတွင် ကာယကံရှင်ကိုယ်တိုင်ဖြည့်သွင်းရပါမည်။ အကယ်၍ အခြား သူများမှ ကိုယ်စားလုပ်ဆောင်ပေးပြီ အမှား တစ်စုံတစ်ရာ ပေါ်ပေါက်ပါက ကာယကံရှင်တာဝန် သာဖြစ်သည်။

Registration လျှောက်ထားသူသည်

   ▪  အသက် (၁၀) နှစ် နှင့်အထက် ဖြစ်ပါက နိုင်ငံသားသက်သေခံကတ်ပြား ရှိသူဖြစ်ရမည်။
   ▪  အသက် (၁၀) နှစ်အောက် ဖြစ်ပါက မွေးစာရင်း ရှိသူဖြစ်ရမည်။
   ▪  ရဟန်းတော်၊ ရှင်သာမဏေ၊ သီလရှင် ဖြစ်ပါက သာသနာဝင် စိစစ်ရေးကတ်ပြား ရှိသူဖြစ်ရမည်။
   ▪  လျှောက်ထားသူ၏ ကိုယ်ပိုင် Email အကောင့် တစ်ခု ရှိရမည်။

** Activation Code Link အား Email မှတဆင့် ပေးပို့မည်ဖြစ်ပါသောကြောင့်မှန်ကန်ပြည့်စုံသော Email ဖြစ်ရန် လိုအပ်ပါသည်။

Registration ပြုလုပ်သည့်အခါ အထူးသဖြင့် နာမည်၊ မွေးသက္ကရာဇ်၊ သက်သေခံကတ်အချက်အလက် တို့ကို ကျေးဇူးပြု၍ ပြည့်စုံမှန်ကန် သေချာစွာ ဖြည့်သွင်းပေးပါ။

နာမည်အပြည့်အစုံရေးသားရာတွင်

ကျေးဇူးပြု၍ နာမည်၏ရှေ့တွင် မောင်၊မ များအားဖြုတ်ပေးပါ။

အကယ်၍တိုင်းရင်းသားအမည်များပါဝင်နေပါက မဖြုတ်ဘဲ ပါဝင်အောင်ဖြည့်သွင်းရပါမည်။ (ဥပမာ- စော၊ မင်း၊ နော်၊ နန်း ၊ မိ စသဖြင့်)

မွေးသက္ကရာဇ်

မွေးသက္ကရာဇ် ဖြည့်သွင်းရာတွင် (မိမိအသုံးပြုသည့်သက်သေခံကတ်ပြားတွင် ပါရှိသည့် မွေးသက္ကရာဇ်နှင့် ထပ်တူ ဖြစ်ရမည်။)

ဖြေဆိုသူလိုင်စင်ဓာတ်ပုံ

(အလှဓာတ်ပုံ ၊ မျက်နှာမပေါ်လွင်သောပုံ ၊ ဝါးနေ‌ခြင်း၊ ဘေးတစောင်းဖြစ်နေခြင်း ၊ ပုံဆိုဒ်သေးလွန်းခြင်း ၊ ဖုန်းဖြင့် ပြန်လည်ရိုက်ကူးခြင်း၊ AI နည်းပညာဖြင့် ပြင်ဆင်ထားသော ဓာတ်ပုံများလက်မခံပါ။)

သက်သေခံကဒ်ပြား Photo

**သက်သေခံနံပါတ်တခုလျှင် Registration တကြိမ်သာ ပြုလုပ်လျှောက်ထားခွင့်ရှိပါသည်။ထည့်သွင်းရာတွင် ဝါးနေခြင်း၊ ဘေးတစောင်းဖြစ်နေခြင်း၊ ပုံအရွယ်အစားသေးလွန်းခြင်း၊နောက်ခံအရာဝတ္ထုများပါနေခြင်း၊ ph ဖြင့် ပြန်လည်ရိုက်ကူးခြင်းများ လက်မခံပါ။

သက်သေခံကတ်ပြား ကာလာဓာတ်ပုံ(JPEG or PNG)

သက်တမ်းရှိ Passport, သက်တမ်းရှိ ယာဉ်မောင်းလိုင်စင် (လိုင်စင်အမျိုးစား B, C, D, E သာလက်ခံမည်)နှင့် နိုင်ငံသားမှတ်ပုံတင်ကတ် သာလက်ခံပါမည်။ သက်သေခံကတ်နံပါတ်အား မှန်ကန်စွာဖြည့်သွင်းပေးပါ။

   ▪  အသက်(၁၀)နှစ်နှင့်အထက် ဖြစ်ပါက ကြည်လင်ထင်ရှားသော နိုင်ငံသားသက်သေခံကတ်ပြား ရှေ့ခြမ်း နှင့်နောက်ခြမ်းဓာတ်ပုံ (သို့) passportစာမျက်နှာ ဓာတ်ပုံ(သို့) ယဉ်မောင်းလိုင်စင်၏ ရှေ့ခြမ်းနှင့် နောက်ခြမ်းဓာတ်ပုံ ရှိသူ ဖြစ်ရမည်။
   ▪  အသက်(၁၀)နှစ်အောက် ဖြစ်ပါက မွေးစာရင်း၏ဓာတ်ပုံ ရှိသူ ဖြစ်ရမည်။
   ▪  ရဟန်းတော်၊ ရှင်သာမဏေ၊ သီလရှင်ဖြစ်ပါက သာသနာဝင်စိစစ်ရေးကတ်ပြားဓာတ်ပုံ ရှိသူ ဖြစ်ရမည်။

ဖုန်းနံပါတ်အချက်အလက်

ရုံးမှဆက်သွယ်အကြောင်းကြားနိုင်ရန်အတွက်ဖုန်းနံပါတ်အချက်အလက်များအားသေချာစွာဖြည့်သွင်းပေးပါ။

အထက်ဖော်ပြပါအချက်အလက်များအား တိကျမှန်ကန်စွာဖြည်သွင်းပေးပါရန် မေတ္တာရပ်ခံအပ်ပါသည်။ အချက်အလက်မှားယွင်းမှုကြောင့် စာမေးပွဲဖြေဆိုခွင့်မရရှိခြင်းနှင့် အခြားဖြစ်ပေါ်လာသော အခက်အခဲများသည် လျှောက်ထားသူ တာဝန်သာဖြစ်သည်။

မှတ်ပုံတင်ခြင်းဆိုင်ရာ စည်းကမ်းများကို လက်ခံပါသည်။